اليوم صبغت المرحلة الأولى من الغرفة طبعاً اتجهزت اول شي رول وصحن الرول مدري اش يسموه والبوية طبعاً ولبست لبس قديم وحطيت كمامة اصر زوجي البسها مع أنها تحرر بس لبستها عشان الرذاذ وهات يا شغل جبت السلم وبدأت قلت نص الجدار اليوم نصه بكرة ومع الحماس سويته كله اليوم خخخخخ قولوا ماشالله طبعا لما نشف طلعت العيوب ورجعت صبغت الأجزاء الي يبغالها صبغ مرة تانية باقيلي بكرة انشالله بالفرشة اسوي الأجزاء الصغيرة وأمسح الأجزاء الي يبغالها مسح وبعدين ابدأ اللون التانيبس اللون طلع حلو ماشالله ونشف بسرعة وريحته مو قوية من جوتن >>اسوي دعاية
طبعاً محتشوفوا صور الغرفة إلا لما أخلص منها نهائيا خخخخ عشان تتحمسوا
2 comments:
الله يعطيكي الف عافية ماشالله عليكي نشيطة. عالعموم هية كدة الالوان تعطي الوحدة حيوية ونشاط. ماشالله استمري في العمل والصور حلو المسلسل المكسيكي المدبلج هادا ههههه
ما شاء الله اللون يجنن ومبهج .. الله يعطيكي العافية
Post a Comment