Tuesday, April 17, 2007

ممممم نفسي في كفتة بطاطس بالتونة

سويت بحث في الإنترنت عليها وطلعت الطريقة وبدي أسويها على الغدا ان شالله شكلها شهي جعت وبطني تقرقر
اخدت الطريقة من النت عشان امكن امكن يوم تجوعوا وما تعرفوا اش تطبخوا

وطريقة تحضيرها كالآتي:

المقادير:

4 حبات بطاطس كبيرة.

2 بصلة متوسطة.

4 علب تونة كبيرة.

3 بيضات.

نصف حزمة بقدونس مفروم.

زيت للقلي.

نصف معلقة فلفل (ونصف ملعقة ملح).

طريقة التحضير:

ـ تغسل البطاطس ثم تسلق إلى أن تنضج ثم تقشر وتهرس جيداً.

ـ يفرم البصل ناعماً.

ـ اخلطي البصل جيدا مع البطاطس والبيض والبقدونس والملح والفلفل الأسود جيدا.

ـ صفى التونة ثم ضعيها على الخليط واخلطي جيداً.

ـ جهزي صينية ورشيها بقليل من الدقيق ثم شكلي الكفتة على شكل أقراص دائرية ورصيها في الصينية.

ـ اقدحي الزيت ثم هدئي النار.. اغمسي أقراص الكفتة في الدقيق ثم ضعيها في الزيت واتركيها حتى تحمر قليلا ثم انشليها من الزيت وضعيها على الورق الخاص للقلي.

ـ رصيها في طبق التقديم وتزين بأوراق الخس وحلقات الطماطم.

Monday, April 16, 2007

أفكار لحفلة التخرج


هادي بعض الأفكار الحلوة لحفلات التخرج الصورة الأولى كب كيك مقلوب والقبعه اما بسكوت أو اي حاجة تقوم مقامه وفوق حبة ام اند امز والصورة الي تحت بطاقات دعوة للحفلة مكتوبة وملفوفة وفوق ممسوكة بقبعات تخرج صغيرة تنعمل بالورق المقوى
والبطاقات الصغيرة أبيات شعر عن التخرج وبهادي المناسبة ألف مبرووووك لكل الخريجين أولهم زوجي وأنا

Saturday, April 14, 2007

شنطة جديدة


أحس روزي بنك بتضربني من كتر ما بآخد من موقعها طرق عمل اشياء هههههه عملت هادي الشنطة من بلقها بس المقاسات من راسي وعملت معاها المحفظة طقم بس طلعت جيوبها صغيرة شوية على البطاقات

Wednesday, April 11, 2007

تراااااااااا غرفتي الجديدة

وأخيراً تمت غرفة الخياطة بحمد الله طبعاً سويتي بيدي الشريفة هههههه من صبغ واستنسل وتسيق واضاءة وهادي بعض الصور للغرفة بس انتبهوا ترا باقي لسه طاولة الخياطة الي انشالله بشتريها واحطها في المكان الفاضي
هادي الغرفة أثناء العمل
وهادي بعد العمل


وإن شالله الخطة القادمة اجيب الحاجز عشان اغطي القرمبع الي ورا في الركن وعلى فكرة العلب الي حاطة فيها الأقمشة ان شالله لما اجيب الطاولة حخشها تحتها عشان المنظر يكون ارتب

Tuesday, April 10, 2007

الأطفال الطعمين


طلعت الصورة حلللللللللوة ماشالله
هدولا الحلوين في بيت جدتهم وكان ضهر الجمعه شوفوا ولدي عزوز الشمس دبحتوا مو عارف اش يسوي
أول مرة يقعدوا ماشالله عليهم شوية في المرجيحه اكيد ولا ثانية بعد التصوير قعدوا القعده هادي بس هي صيدة

Sunday, April 8, 2007

ألوان في ألوان

اليوم صبغت المرحلة الأولى من الغرفة طبعاً اتجهزت اول شي رول وصحن الرول مدري اش يسموه والبوية طبعاً ولبست لبس قديم وحطيت كمامة اصر زوجي البسها مع أنها تحرر بس لبستها عشان الرذاذ وهات يا شغل جبت السلم وبدأت قلت نص الجدار اليوم نصه بكرة ومع الحماس سويته كله اليوم خخخخخ قولوا ماشالله طبعا لما نشف طلعت العيوب ورجعت صبغت الأجزاء الي يبغالها صبغ مرة تانية باقيلي بكرة انشالله بالفرشة اسوي الأجزاء الصغيرة وأمسح الأجزاء الي يبغالها مسح وبعدين ابدأ اللون التاني
بس اللون طلع حلو ماشالله ونشف بسرعة وريحته مو قوية من جوتن >>اسوي دعاية
طبعاً محتشوفوا صور الغرفة إلا لما أخلص منها نهائيا خخخخ عشان تتحمسوا

Saturday, April 7, 2007

أوكيه اليوم اتحسنت النفسية


السلام عليكم
الحمد لله حصلت أشياء حلوة دي اليومين رفعت معنوياتي
والحمد لله السحابه الي كانت فوق راسي راحت
اممممممم ايوة صح جهزت اغراض الغرفه البوية والرولات طبعا ًبمساعدة روزي بينك دريم وغلفت الأفياش وفرشت الأرضية باقي أبدأ يا بكرة يا بعده ادعولي تزبط الغرفه .
حبيت اقلكم لا تكتئبوا من كلامي الي قلته قبل كم يوم
تجيني حالات وتمر وارجع عادي الحمد لله اني عندي المرونة هادي
ياربي شعري هادا مو راضي يطول لما قررت أطوله صار يطول ببطء ولما كنت فاصته وعجبني طوله طول بسرعه ههههههه
ابغا اشوف دي المرة اقدر اصبر وما اقصه كالعاده لما يوصل طول معين ولا لا؟
الحمد لله اليوم مبسوطة

Friday, April 6, 2007

إكتئــــــــــــاب

فيني إكتئاب اليومين دي
وحشتني مكة ووحشوني أهلها يارب ييسر لنا نروحلها
يارب تجمعني مع اهلي على خير
في أشياء كتيير في دي الحياة بدون طعم او طعمها مو زي الي اتوقعناه
أيام تمر علي أحس الحياه مالها طعم
أو تكون الألوان كلها لون واحد ماتفرق
ومرات اشوف كل شي مشي عابر
أو استنى اليوم يخلص عشان بس احط راسي وأنام
مرات أفكر لو أنام وأصحى في عالم تاني مو لأن العالم الي عايشة فيه وحش لا
بس الواحد مرات يحس إنه يبى ياخد اجازة حتى من نفسه
أكره شي لما الواحد يكون مضايق بس ما يعرف سبب محدد
أنا على قد ما أكون متفائلة تجيني درجات من الإحباط
الواحد مرات مايقدر يفضفض ولا يكتب ولا يقول
بس في واحد احد ما ينسى عبده وانا دايما يقيني بالله كبير
الله يغفر لي ذنوبي ويدخلني الجنة وأموت وربي راضي عني

Thursday, April 5, 2007

صور وذكريات

هادي الحلوة ماشالله بنت أختي يعنني كبرت
هادي صورة بسه صغنطوطة كانت في حوش بيت أهل زوجي ورا جهة الخزان الي عجبني ان السلحفاة هي الي بتعتني بالبسه هم ثلاثه بسس بس مدري ليه دي بالزات السلحفاه بتنتبه عليها شوفوا حتى جات فغسطتها والبسه ما قالت شي مبسوطة كمان
يمي يمي هادا الإسكريم من فدركرز من زمااااان اكلت فيه وشكله صراحه رهيب ماقدرت افوته وصورته وكل مرة اشوف الصورة اتزكر الطعم ياسلالالالالالالالام
هادي الفكرة من بيت روزي بينك دريم القديم هي فكرة وحركة تحت الطاولة هادي حمام عربي الله يعزكم وهي ما حبته فخبته بدي الطريقة حلوة صح؟
وهادي جاتني هدية من روزي بنك في عيد من الأعياد بس أنا حطيت الورود وصارت منظر حلوعلى طاولةالمطبخ
هادا حوش بيت أهل زوجي زمااان لما كان فيه ورورد حلوة ودا الحاجز الحلو

Wednesday, April 4, 2007

شنط في شنط

هادي شنطة عملتها من أحد المواقع ما اذكره بس سيفت طريقة العمل في جهازي قصة البنت أنها كانت تبى تشتري شنطة ماركة شانيل بس لقيتها غالية وعجبتها فقالت الا وتسوي زيها واتحدت نفسها وسوتها وبالنسبة لي أنا عجبني شكل الشنطة فطورتها بالشكل الي ابغاه سويت نفس الطريقة بس بدل ما أحط علامة شانيل حطيت علامة ورد وألوان خخخخخخ لو يشوفوني راح يقاضوني هههههه
الشنطة الي تحت هي شنطة البنت الي عملتها تقليد لشانيل

Tuesday, April 3, 2007


نسيت أقول إن هادي الشنطة الي كنت أحاول اسوي زيها طبعاً هادي أزبط وأحلى من شنطتي

جاني العصبي


لي يومين احاول ادخل في البلق مو راضي سويت كل شي ولا هو راضي اليوم وأخيييييرا قدرت ادخل تبين والله اعلم انه احد ماخد باسوردي المهم ماخلاني ادخل الا لما غيرت باسوردي في قوقل اكاونت ودخلت منه ولا الدخول من البلق العادي ما يدخلني
وبعد المقدمة الممله حبيت اوريكم آخر جديدي شنطة القلوب تعبتني حبتين وهادي النتيجه الشنطة قبل التعديل

وهادي بعد التعديل

Sunday, April 1, 2007

lap top cover

This is an idea that i liked, i might make a somthing like it or close to it.. and the picture at the bottom is nice too.
my sister wants a cover like this.

Friday, March 30, 2007

أفكار


عاجبتني فكرة الصورة هادي ممكن كم فكرة اقدر اسويها فيها ممكن اطبع صور ورود واحطلها فريم واحطهم تحت بعض أو الصقها مباشرة على الجدار واحط فريم في الجدار ..
نفسه
انا بصبغ جداري بلونين محأقلكم اش هم عشان لما اخلصها اصورها بس عاجبتني الفكرة وامكن اسويها

امممممم اش كمان مدري يالله بروح انام

Thursday, March 29, 2007

ومازلت اعدل في الغرفه


أمس جاني طفش غير طبيعي زوجي طلع على أساس لما يجي يوديني عند خالتي الا طلع عندها شي كلمت صاحبتي الا طلعوا أهل زوجها جيين كلمت بنت عمة زوجي طلعت عند امها اف اش الطفش دا
دخلت المسنجر اكتب لزوجي في المسنجر وهو مو موجود اش رايك نطلع اليوم (هو مايحب الويك اند عشان الزحمة)ودخلت جو وانا اكتب نطلع نشوف مظاهر اهل الرياض في الخبر عشان مو اجزوا عشان القمة العربية ومدري ايش وبس قفلت وهو ما جا لسه
بعدها بساعه كده دق زوجي قلي يالله لبسي الآولاد عشان نطلع يااااااااااا الحمد لله فرجت كنت مكتئبة بس الحمد لله رحنا ساكو واشتريت شي احط فيه اغراض غرفتي و علب بلاستيك احط الأقمشه فيها وبعدين رحنا تويز ار اس واشترينا للأولاد وفي الطريق عزوز يقول يالله متى نروح البيت ههههههه عشان يلعب بلعبته..
باقيلي الطاولة والحاجز ان شالله الشهر الجي ميزانيتي لا تسمح لقيت في ساكو طاولة تتطبق زي الشنطة وتنحط في شنطة السيارة حق رحلات او حوش حلللللوة عجبتني كنت بشتريها بس سعرها غالي حبتين..والحاجز الواحد بميتين وخمسه وعشرين وانا ابا اتنين فإنشالله الشهر القادم اكمل وافيكم بالتفاصيل
ورد الوان ..النت..من بلوق مارش ميلوز
ههههههه أحس اتحمست خخخخخ

Wednesday, March 28, 2007

my new baby

This my new baby machine ,a gift from my mother in low (god bless her) i am very happy to use this machine because it make's a very will seam clean especially when at cut and sew together.
i want to set with clear mind try all stitch and exercise on it.

Tuesday, March 27, 2007

صباح الخير

اليوم مني عارفه اش اكتب اتزكرت الصورة هادي قلت خليني احطها هادا ولدي عزوز لما ينام يعمل حركات عجيبة وشكله طاح من السرير وكمل نوم على الأرض بس النومة رهيبة هههههه كأنه ماريو الي في لعبة النينتندو ولا القيم بوي
هادي دورة في الإنترنت للخياطة في رسم البترون البسيط اشتركت معاهم واعطوني هادي الشهاده انبسطت كتيييير بس كتبوا اسمي غلط ورد وألوان مو ورود
اش رأيكم في دي الصورة ؟حلوة
أنا مصورتها ..بس البرواز مو انا مسويته ترا صورتها على طاولة المطبخ خخخخخخ

Sunday, March 25, 2007


انبسطت كتيييييييييير اليوم لما شفت رسمت ولدي هادي هو ما يعبر عن نفسه الا بالقوة وبدون محد يشوفه ومستحيل يسوي شي قدام احد يقله يسويه من جد برج الأسد..امكن تشوفوا الرسمة عادية او مو شي مهم بس بالنسبة لي شي مرة مهم
وفي الصباح اليوم قعد هو واخوه يرسموا وما كنت اطالع لرسمه ولما راح شفت الرسمة ..ماشالله اول مرة يرسم شكل محدد له عيون وفم انبسطت احسه يجي بالسياسة لازم اقله الشي وابعد وهو يسوي من غير محد يكون وراه برج الأسد سيد نفسه

Saturday, March 24, 2007

آخر التطورات

علشان بعض الناس لا يقولوا مين بيساعدك في الإنجليزي قررت اليوم اكتب بدون مساعده والله يستر
last night,iwas woke up all night guss why?
finally,i clean my sewing room and i put every thing about me a side but the others i kept in the corner .
Now,second stib i want to bay partitions,table,racks,or cupboardترا ما عرفت اش يعني دولاب مدري الكلمة صح ولا لا؟
so,i wait until my hasband take me to shopping.

هديتي لبنت خالتي

بنت خالتي جابت بنوتة ماشالله عليها تجنن وعملت هادي الهدية لها العلبة اصلاً زرقا صبغتها وردي لأنها بنت وحطيت تحت قش وفوق الملابس وحطيت معاها كمان جزيمة مو جزمة ههههه للنونو من صنع دياتي ههههه..اخدت طريقة العمل من قريبتي من بلقها
http://rosy-pink-dreams.blogspot.com
هو يتعمل بالجوخ وتقدري تنوعي بالتزيين بالطريقة الي تحبيها
هي اول تجربة وانشالله اسوي كمان عجبني شكلها سويت للعمر من صفر ل ثلاثة شهور فيه من 3-6


Thursday, March 22, 2007

العروسة العريس




امس كانت شبكة ولد خالتي وكان كل شي حلو وتم كل شي بخير والحمد لله الله يوفقهم في حياتهم الجديده مش عارفين مستخبيلهم ايه ههههههه
كل ما اشوف عروسة وعريس اتخيل شكلهم بعد خمس اوستة سنين لما يجوهم اولاد..ولما يتغير روتين الحياة ولما الحب ينزل أرض الواقع وكل واحد خلاص مافي شي يخبيه عن التاني..كييف راح يتخيلوها هم وكيف راح تكون..الله أعلم

Wednesday, March 21, 2007


do you Remember my room ?? the things i wanted to change?
i removed every thing that i dont need but the things that i need i kept in a corner untill i put a partition .

In this picture i put similer things togather, some things didnt have a group so i left them alone, then i will put all these in small box or plastics box, i'm not sure yet..
bottom line is i want to finish soon so i can enjoy my sweing room ..

Tuesday, March 20, 2007



عندما نرتوي حبا يقينا المر والأنات
ويجعل يومنا ورداً وصمتاً ماطراً زخات
يضمد جرحنا فرحاً وينسينا ألماً وآهات

بهذا الحب تكون أيامي
بهذا الحب احقق احلامي
تحت انعكاسات القمر اللؤلؤية
و وردة حمراء ناعمة مخملية
فوق رواية وكومة ورقية

تحيـــــــــاتي

Sunday, March 18, 2007


this is my new manican i am excited to work on it..and i will (insha alla)put it in my sewing room. before that i made a manican with my husband's help and it took a long time but the result was not good enough, so my new manican is awesome easy to use loooool .
this is like my old manikan



and this is my new one




غرفة الخياطة


قاعده أرتب غرفتي الي ابغا اسويها غرفة خياطة بس لسه ما خلصتها باقي كمان أشياء نفسي تكون الغرفه زي كده

وخيوطي احطها في شي زي كده

لغاية دحين اتخلصت من أشياء كتييييير وبرضوا في أغراض الله يعنني على بقية الغرفة وأقدر أخلصها دا الأسبوع

Saturday, March 17, 2007

تجربتي مع الإنجليزي

راح اجرب أكتب بالإنجليزي علشان احسن من لغتي ههههههه من عدالتها عشان ابا احسنها قصدي عشان لما اكتب انجليزي
كتيير اتعلمه احسن واحسن مع الأيام بس لحد يتريق علي


Will, today i am very angry,my children make me crazy and the zipper of one the bags i made was broken, aaaaaaaa, i don't under stand why every thing i work on end's badly !! why?any way i woke up today at 6 in the morning and i was swing happly until that happen .waking up early give's you time to work, but the hardest thing is waking up, hehehe
.

Friday, March 16, 2007

وأخيرا خلصت الشنطة الورده


هادي آخر شنطة عملتها اخذت طريقتها من أحد المواقع..بس تعبتني كتيير..لونها في الحقيقة احلى لون ذهبي..وان شالله كل ما اخيط اكتراكون متقنه للعمل أكتر وتصير خياطتي زي خياطة المحلات

Thursday, March 15, 2007

كل شئ له قيمة


عجبتني فكرة دا الفستان هادي البنت اشترت الأقمشه من محلات زي القراج سيل عندهم هي عبارة عن فرش حق طاولة اشترتها على ما اعتقد ب3دلار وخيطت منه دا الفستان الحلو ومن فوق المناديل الصغيرة تبع الطاولة عملتهم على شكل سبعه وطلع رهيب.. الفكرة أن الواحد يقدر يستغل الأشياء لأغراض ثانية وممكن يقكون شي بدون قيمة ويصير شي تاني لايقدر بثمن
الصورة الي أسفل عبارة قطعة قماش اي قطعة تعجبك من زوايد الأقمشه لصقيها على قطعة ورق مقوى او كرتون ملون ولصقيها على الجدر تصير زينة حلوة وسهلة وغير مكلفة

Wednesday, March 14, 2007




Hi every one this my great blog i
took my frinds advice and i am happy for this advice
i hob you like it
أهلا وسهلاً بكم في بلقي الجديد
ورد وألوان